असार ६, २०७३- नेपाल औषधि व्यवसायी संघ बागमती अञ्चल शाखाले आफ्नो स्थापना दिवसका अवसरमा साताव्यापी कार्यक्रम आयोजना गरेको छ ।
बागमती अञ्चल शाखाले पहिलो दिन सोमबार ललितपुरको ल्होल्हमा जिल्लास्तरीय वक्तृत्वकला प्रतियोगिता आयोजना गरेको छ । ‘औषधिको समुदपयोग गरौं, प्रतिकुल असर हुनबाट बचाऔं’ शीर्षकको प्रतियोगितामा ललितपुरका विभिन्न विद्यालयका २५ विद्यार्थीले भाग लिएका थिए ।
कार्यक्रममा शाखा अध्यक्ष निरञ्जनप्रसाद रिसाल, पूर्वअध्यक्ष प्रकाशमान प्रधानलगायतको उपस्थिति थियो ।
शाखा महासचिव सम्राटमान जोशीका अनुसार संघले असार ७ गते धादिङको धार्केमा जिङ्क चक्की र जीवनजन प्रयोगसम्बन्धि प्रशिक्षण कार्यक्रम आयोजना गरिएको छ । साथै, असार ८ गते भक्तपुरको कमलविनायकमा ‘औषधिको समुदपयोग गरौं, प्रतिकुल असर हुनबाट बचाऔं’ विषयक निबन्ध प्रतियोगिता आयोजना गरिएको छ ।
असार ९ गते दी ब्रिटिस कलेज थापाथली काठमाडौंमा ‘लागु तथा मनोद्वीपक औषधि’को दुरुपयोगले हुने असरबारे अन्तर्क्रिया आयोजना गरिएको छ भने १० गते ललितपुरको खोकना आश्रममा रहेका कुष्ठरोगी बिरामीलाई नि:शुल्क औषधि तथा सर्जिकल सामाग्री वितरणको कार्यक्रम आयोजना गरिएको छ ।
Source:www.ekantipur.com
Post a Comment