असार २३, २०७३- लायोनमा भएको यूरोकपको सेमीफाइनलमा वेल्सलाई २–० गोल अन्तरले पराजित गर्दै पोर्चुगल फाइनल प्रवेश गरेको छ । स्टार खेलाडी क्रिष्टियानो रोनाल्डोले १ गोल गर्दै अर्को गोलको लागि पास उपलब्ध गराएपछि पोर्चुगलको फाइनल यात्रा सम्भव भएको हो ।
बेल्जियमलाई क्वाटरफाइनलमा ३–१ ले पराजित गर्दै सेमीफाइनल यात्रा तय गरेको वेल्स सन् १९५८ पछि ठूलो प्रतियोगिताको यो चरणमा प्रवेश गरेको पहिलो पटक हो ।
५० औं मिनेटमा पोर्चुगललाई अग्रता दिलाएको रोनाल्डोले तीन मिनेटपछि नै नानीको लागि गोल गर्ने पास उपलब्ध गराए ।
पोर्चुगलले अब फाइनलमा विश्वविजेता जर्मनी र आयोजक फ्रान्सबीचको विजेतासँग प्रतिस्पर्धा गर्नेछ ।
Source:www.ekantipur.com
Post a Comment