जापानमा दुई दिने नेपाल फेस्टिबल हुँदै

असार १४, २०७३- नेपाली उत्पादन र व्यवसायको अन्तर्राष्ट्रियस्तरमा पहिचान बढाउन तथा नेपाली कलासंस्कृति मार्फत पर्यटन प्रवर्द्धन गर्ने उद्देश्यले जापानमा नेपाल फेस्टिबल  हुने भएको छ ।

गैरआवासिय नेपाली सघंको आयोजना, नेपाली राजदूतावास र नेपालस्थित परराष्ट्रमन्त्रालयको विशेष सहयोग तथा जापानमा सक्रिय नेपाली सघंसस्थाको सहकार्यमा टोकियोको योयोगीपार्कमा अगस्ट ६ र ७ मा नवौं नेपाल फेस्टिबल हुने भएको हो ।

नेपाली व्यवसायको पहिचान मार्फत पर्यटन प्रवर्द्धन गर्ने प्रमुख उद्देश्यले दुई दिने मेला अर्थात ‘नेपाल फेस्टिबल २०१६’ हुन लागेको आयोजक समितिका संयोजक तथा गैरआवासिय नेपाली सघं जापानका अध्यक्ष सुदन थापाले बताए । 

नेपाल जापान सम्बन्धको ६० औं वर्षगाठ पुगेको अवसर पारेर सबै जसो स्टलहरुमा व्यानर एकै प्रकारको बनाइने र नेपाली कला संस्कृति तथा नेपाली पेशा व्यावसायलाई प्राथमिकता दिइएको छ । मेला सफल पार्न सुदन थापाको संयोजकत्वमा विभिन्न समिति तथा उपसमितिहरु तोकिएको छ ।

आयोजकका अनुसार फेस्टिबल नेपाल र नेपालीको चिनारी तथा व्यापारिकपक्षसँगै पर्यटन प्रवद्र्धन केन्द्रित हुने छ । यस्तै यसलाई अहिलेसम्मकै व्यवस्थित र भव्य रुपमा सम्पन्न गर्न तयारी तिब्र पारेको समेत आयोजकले जनाएको छ ।

Source:www.ekantipur.com